داكلي

إحنا بنتين خريجين فنون تطبيقه والي دخل فنون تطبيقه يعرف اد ايه طلابها بتتمرمط فيها، بس بعد ما قررنا نبدأ في داكلي كل المرمطه دي ماتجيش ساعه من مرمطة داكلي وعلى الرغم من كدا اكتر أيامنا سعاده واحنا بنشتغل فيها لسه قادرين نكتشف في نفسنا حاجات، أننا أقوى مما كنا نتخيل في كل مشكله تقابلنا ونقعد ندور ونسيرش ونسأل كتيرررر لحد ما نحلها وبأفضل طريقه💪، بعد كل مجهود جبار وعياط بسبب الوجع والإرهاق والكدمات والحساسيه الي بتجلنا من المواد وبعد ما المشروع يتسلم بيبقى احلي ذكرى ونحكيها واحنا بنضحك على كل ذكرى عدينا بيها ، كل مره أيامنا في الورشه قدرت تخلينا نغير من نفسنا بشكل ما ، الشغل تحت ضغط بدأ يبقي ممتع بشكل ما بالنسبالنا ، قدرنا فعلاً نتعامل مع الهلع والتوتر اللي بيجي من وقت للتاني قدرنا نتحكم في أفكارنا ونتعلم اكتر واكتر في اكتر من مجال ولسه في كتيررررررر اوي عاوزين نتعلمه، ايام اكتئابنا الحقيقيه وقت مانقعد من غير شغل بقى كل مشروع ليه قصه معانا كأنه شخص كان عايش معانا ولينا صور معاه تفكرنا دايما بذكرياته❤️

فرحتنا لما الحاجه تتسلم ونسمع رأي العميل🤗 عارفين اننا لسه صغيرين بس حلمنا كبير وان شاء الله هنوصل للي بنحلم بيه واحده واحده فاللهم ديمها نعمه وارزقنا بالرضا والرزق الحلال ادعولنا نقدر نكمل🤲 اعتقد دي اكتر دعوه محتاجنها في الفتره دي